គូដណ្តើមខ្សែក្រវាត់១គូទៀតគឺកីឡាករមាស ភារម្យ បានយកឈ្នះកីឡាករសាំង ស៊ីថា មកពីសមាគមកីឡាប្រដាល់ក្រសួងការពារជាតិដោយពិន្ទុ ។ មាស ភារម្យ ពេលនេះប្រកួតឈ្នះទាំង៤លើក ដូចខុន រាជ ដែរ ខណៈសាំង ស៊ីថា ប្រកួតបាន៤លើកដូចគ្នា ប៉ុន្តែមិនទាន់ស្គាល់ឈ្នះម្តងណាឡើយ ។ ដូច្នេះខុន រាជ និងមាស ភារម្យ មានពិន្ទុគ្រប់គ្រាន់អាចដឹកដៃគ្នាឡើងទៅប្រកួតនៅវគ្គពាក់កណ្តាលផ្តាច់ព្រ័ត្របានហើយ ។
ចំណែកលទ្ធផលគូប្រកួតមិត្តភាពវិញ កីឡាករ ខុន ប៉ូឡា មកពីក្លិបកងពលធំអន្តរាគមន៍លេខ៣ព្រះវិហារ ឈ្នះពិន្ទុកីឡាករទូច ស័ក្តិ មកពីក្លិបរស្មីកុមារកំព្រា ។ កីឡាករ ហែម ថង មកពីសមាគមកីឡាប្រដាល់ក្រសួងការពារជាតិ បានធ្វើឱ្យកីឡាករឡុង ប៊ុនរ៉ាត់ មកពីក្លិបសាលវ័ន្តកីឡា លើកទង់ជ័យស សុំចុះចាញ់នៅត្រឹមទឹកទី២ ។ កីឡាករសរ រាជសីហ៍ មកពីក្លិបមោងឫស្សីមរតកគុនខ្មែរ បានយកឈ្នះកីឡាករពេជ្រ ម៉ាប់ មកពីក្លិបសាលវ័ន្តកីឡា ដោយពិន្ទុ និងកីឡាករ ភន ពិសិដ្ឋ មកពីក្លិបពន្លឺវិបុល ផ្តួលកីឡាករ រ៉ៃ យ៉ុងល័ក្ខ មកពីក្លិបកណ្តាប់ដៃដែកឱ្យសន្លប់នៅក្នុងទឹកទី២ ៕
ប្រភព៖ kohsantepheapdaily.com.kh/
0 comments:
Post a Comment